ROXAS CITY – Nag-angkon sang menor nga pilas sa lawas ang duha ka mga persona matapos nagbungguanay ang duha ka mga motorsiklo sa Barangay Tacas, Pontevedra, Capiz.
Base sa inisyal nga imbestigasyon sang Pontevedra PNP nga samtang ginasubay sang driver nga si Peter John Juarez 32-anyos sang Barangay Pondol, Pres. Roxas ang dalanon aksidente na lamang ini nabungguan sang motorsiklo ni Victor Palmero 20-anyos sang Barangay Tacas.
Nahibaluan nga gikan sa banwa sang Barangay Ilawod si Palmero kag padulong na kuntani sa banwa sang Maayon kag padulong naman sa siyudad sang Roxas si Juarez sang natabo ang aksidente.
Ginaalegar ni Palmero nga may yara sang nagtabuk nga layaw nga ido rason nga naglikaw ini apang aksidente naman sini nabungguan ang motorsiklo ni Juarez.
Samtang, temporaryo naman nga ginkustodiya sa Pontevedra Municipal Police Station si Palmero kag ang ginamaneho sini nga motorsiklo para sa nagakaigo nga disposisyon.
