ROXAS CITY – Nagsungka sa mga pulis sa banwa sang Maayon ang duha ka nagpakilala nga mga katapu sang New People’s Army (NPA).
Ang nasambit nga mga rebel returnees ginkilala nga sanday Arnold Delos Santos alyas ‘Ka-Peter’, 23 anyos sang Barangay San Antonio, Cuartero, Capiz kag Richard Narciso alyas ‘Ka-Rowel’, 28 anyos, sang Barangay Aglimocon, Maayon, Capiz.
Sa exclusive interview sang Bombo Radyo Roxas kay Inspector John Stephane Gamad, hepe sang Maayon PNP, ginpahayag sini nga personal nga ginsumite sang duha ka rebel returnee ang ila nga mga kaugalingon sa mga pulis.
Apang suno kay Gamad nga wala sang bitbit nga armas sanday Ka Peter kag Ka Rowel sa ila nga pagsungko.
Ginapatihan nga nagsungka ang mga rebel returnee bangud ila nakita nga wala sang maayo nga ibunga ang ila nga pagpakigbato sa gobyerno kag wala sang mabulig ang komunista kag rebelde nga grupo agud mabutong sila sa kapigaduhpn.
