-- ADVERTISEMENT --
ROXAS CITY -Duha ka mga Capizeño ang nagpositibo sa COVID-19 probinsiya.
Sandig sa ginpaguwa nga official statement ni Capiz Governor Esteban Evan Contreras, isa ka 30-anyos nga lalaki nga residente sang banwa sang Cuartero kag may yara sang travel history sa probinsiya sang Bulacan kag Metro Manila ang nagpositibo nga Locally Stranded Individual.
Samtang, ang 31 anyos nga lalaki nga residente sang Roxas City nga may yara sang travel history sa pungsod sang Brazil kag Metro Manila ang nagpositibo nga Returning Overseas Filipino.
Sa karun, padayon na ang ginpatigayon nga contact tracing sa mga naka-close contact sa nagpositibo nga LSI kag ROF.
