2 ka pari sa Diocese of Cubao, sunod-sunod nga nagtaliwan

Nagakasubo subong ang Roman Catholic Diocese of Cubao bangud sa sunod-sunod nga kamatayon sang duha nila ka pari.

Una nga gin-anunsyo sang diocese ang pagtaliwan ni 54 anyos nga si Fr. Michael James Ty alas 3 sang hapon kahapon nga adlaw, Setyembre 11.

Makaligad ang pila ka minutos liwat sila nagpagwa sang separado nga pahibalo bangud sa pagtaliwan sang 35 anyos nga si Fr. Edward Anthony Cometa.

Ang duha ka pari gindala sa amo man nga ospital.

Wala naman sang ginhatag nga dugang nga detalye sa gintunaan sang kamatayon sang duha ka pari.

Ginakabig sang diosesis nga mag-utod sa ministry ang duha ka pari kag ginhingyo nila sa mga tumuluo nga ipangamuyo ang kalag sang duha ka pari.