SAPIAN, CAPIZ – Arestado ang isa ka lalaki kag isa ka menor de edad matapos ginserbihan sang warrant of arrest sang mga kapulisan sa banwa sang Sapian, Capiz.
Ginkilala ang mga arestado nga sanday Ryan Olilang, 25 anyos kag isa ka 16-anyos nga menor de edad nga lunsay mga residente sang Barangay Lonoy sa nasambit nga banwa.
Ang nasambit nga mga suspek nagapangatubang sang panumbungon nga Serious Physical Injuries.
Ginrekomendar naman sang korte ang P30, 000 nga piyansa sa kada isa sa ila para sa temporaryo nga kahilwayan.
Ang nasambit nga warrant of arrest gin-isyu kag ginpirmahan ni Hon. Juvy Valenzuela sang Municipal Circuit Trial Court sadtong Enero 30, 2020.
Sa karon nagapabilin sa karsel sang Sapian Municipal Police Station ang mga arestado.
