ROXAS CITY – Padayon nga ginabulong sa pribado nga ospital ang duha ka mga persona nga sakay sa motorsiklo matapos nga nag-angkon sang mga kasamaran sa nagluntad nga aksidente sa Calipayan St., Barangay Punta Tabuc, Roxas City.
Ginkilala ang mga biktima nga sanday Marivic Eligua, 42 anyos kag Ederlyn Umiten, 33 anyos nga lunsay mga residente sang Barangay Dayao, Roxas City.
Base sa imbestigasyon nga samtang ginasubay sang duha ka mga biktima ang dalanon padulong sa dalanon sang Barangay Punta Tabuc sining syudad sakay sa ila sini motorsiklo sang hinali na lamang ini nga ginbungguan sang salakyan ni Guia Felicia Ignacio, 41 anyos sang Sitio Lawis, Barangay Baybay sining syudad.
Bangud diri, nag-angkon sang mga kasamaran sa lawaw ang mga biktima nga gilayon naman nga gindala sa ospital agud dapatan sang nagakaigo nga pagbulong.
