ROXAS CITY – Pilason ang duha ka persona nga sakay sang motorsiklo matapos nga ginaalegar naaksidente sa Barangay Bolo, Roxas City.
Base sa inisyal nga imbesigasyon sang Roxas City PNP nga samtang ginamaneho sang driver nga si Jonel Anato ang jeep padulong sa Barangay Lanot sining siyudad kag makadto kuntani sa isa ka gasolinahan sang hinali na lamang nga nadulaan sang kontrol sa pagmaneho ang driver sang motorsiklo nga si Sanny Demausa 23-anyos kaupod ang backrider nga si Ceryl Valiente 29-anyos kag lunsay mga residente sang Barangay Tiza sining siyudad rason nga bumunggo ini sa jeep.
Bangud diri, natumba ang motorsiklo rason nga nag-angkon sang lawas ang mga sakay sini.
Gilayon naman gindala sa ospital ang mga biktima agud dapatan sang nagakaigo nga pagbulong.
