2 ka persona pilason matapos nagbungguanay ang duha ka mga motorsiklo sa banwa sang Pontevedra, Capiz

ROXAS CITY – Pilason ang duha ka mga persona matapos nagbungguanay ang duha ka mga motorsiklo sa Barangay Rizal, Pontevedra, Capiz.

Base sa inisyal nga imbestigasyon sang Pontevedra PNP nga samtang ginasubay sang driver nga si Hernando Amo 48-anyos sang nasambit nga lugar ang dalanon aksidente na lamang ini nabungguan sang motorsiklo nga ginamaneho sang isa ka 15-anyos nga menor de edad.

Bangud diri, lunsay nag-angkon sang mga kasamaran sa lawas ang duha nga gilayon naman gindala sa ospital agud dapatan sang nagakaigo nga pagbulong.

Sa karon, yara na sa kustodiya sang Pontevedra Municipal Police Station ang duha ka mga motorsiklo para sa nagakaigo nga disposisyon.