2 ka persona pilason matapos nga ginaalegar naaksidente sa ginamaneho nga motorsiklo

ROXAS CITY – Pilason ang duha ka mga persona matapos nga ginaalegar naaksidente sa ginamaneho nga motorsiklo sa Barangay Bunga, Mambusao, Capiz.

Ginkilala ang driver nga si Niño Sayson 21-anyos sang Barangay Libo-o sang nasambit nga banwa kaupod ang backrider nga si Loriel Llorico 20-anyos sang amo man nga lugar.

Base sa inisyal nga imbestigasyon sang Mambusao PNP nga samtang ginasubay sang mga biktima ang dalanon sakay sa motorsiklo hinali na lamang nga nadulaan sang kontrol sa pagmaneho ang amo nga driver.

Bangud diri, natumba ang motorsiklo rason nga tumampilak sa dalan ang mga biktima.

Nag-angkon naman sang pilas sa lawas ang mga biktima nga gilayon naman gindala sa ospital agud dapatan sang nagakaigo nga pagbulong.