IVISAN, CAPIZ – Nagapabilin nga ginabulong sa ospital ang duha ka mga persona matapos nga aksidente nabungguan sang isa ka salakyan ang motorsiklo sa Barangay Poblacion Norte, Ivisan, Capiz.
Ginkilala ang mga biktima nga sanday Ken Tugna 26-anyos kaupod ang backrider sini nga si Christian Delos Santos 35-anyos lunsay mga residente sang Barangay Agmalobo, Ivisan, Capiz.
Base sa inisyal nga imbestigasyon sang Ivisan PNP nga samtang ginasubay sang salakyan nga ginamaneho ni Police Staff Sergeant Arnel Bucsit 32-anyos sang Barangay Poblacion Ilaya, Dumarao ang dalanon padulong sa siyudad sang Roxas sang hinali na lamang ini nadulaan sang kontrol sa pagmaneho kag aksidente nga nabungguan ang motorsiklo sang mga biktima.
Bangud diri, nag-angkon sang pilas sa lawas ang mga biktima nga gilayon naman gindapatan sang nagakaigo nga pagbulong.
