-- ADVERTISEMENT --
ROXAS CITY – Nagapabilin sa karon sa ospital ang duha ka mga persona matapos nag-angkon sang kasamaran sa nagluntad nga aksidente sa Barangay Cagay, Roxas City.
Ginkilala ang mga biktima nga sanday Romnick Azuro, 28 anyos sang Barangay Dinginan kag Virgilio Ubalubao 74 anyos sang Barangay Cagay sining syudad.
Sandig sa inisyal nga imbestigasyon sang Roxas City PNP, nabungguan sang motorsiklo nga ginamaneho ni Azuro ang motorsiklo nga ginamaneho ni Ubalubao nga paliko na kuntani rason nga lunsay natumba ang duha mga motorsiklo.
Nahibaluan nga si Azuro ang yara sa idalom sang impluwensya sang makahulubog nga ilimnon sang nagluntad ang insidente.
