Patay ang duha ka mga riders matapos gin-arado sang 10-wheeler truck sa kurbada nga section sang Payatas Road sa Barangay San Jose, Rodriguez, Rizal.
Suno sa mga pulis, ang isa sa mga biktima ang naipit, nga nagatrabaho sa isa ka pharmaceutical company kag bag-o lang nakatapos sang pag-deliver sa isa ka pasilidad sa beterinaryo sang isa ka zoo.
Ang isa pa ka biktima nga nag-angkon sang fractures sa paa kag tiil nga isa ka personnel member sang Bureau of Jail Management and Penology (BJMP) nga na-assign sa Quezon City Jail.
Gindala pa sila sa ospital apang sang ulihi ginbawian ang mga ini sang kabuhi.
Magapangatubang sang kaso nga reckless imprudence ang truck driver nga nagresulta sa homicide kag damage of property.
Suno sa kapulisan, prone to accident ang ginluntaran sang insidente.
Ginapanugyanan man ang mga motorista nga nagalabay sa lugar nga maghalong ilabi na ang mga nagamaneho nga kargado nga truck.
