Patay ang duha ka suldado matapos ginluthang sang riding-in-tandem sa Barangay Ladia, Sultan Kudarat, Maguindanao del Norte.
Ginkilala ang mga biktima nga sanday Private First Class (PFC) Jobert Labuson kag PFC John Mark Dumaguing, lunsay katapo sang Philippine Army assigned sa Bravo Company, 7IB, 6ID.
Base sa inisyal nga imbestigasyon sang kapulisan, sakay sa motorsiklo ang duha ka suldado sang ginluthang sang wala makilala nga mga suspetsado.
Magkaupod nga sakay ang duha ka suldado sa isa ka itom nga motorsiklo sang ginpahayag ginsundan sang duha ka mga suspetsado sakay sa puti nga motorsiklo.
Gilayon sila nga ginpaarakan- luthang sang mga suspetsado antes madasig nga nagpalagyo.
Narekober sang mga otoridad sa crime scene ang tatlo ka basiyo sang bala nga ginapatihan halin sa .45 caliber pistol.
Gindala pa sa Cotabato Regional and Medical Center ang duha ka suldado apang lunsay gindeklarar nga dead on arrival.
Padayon ang imbestigasyon sang kapulisan agud matumod ang mga suspetsado kag mahibaluan ang motibo sa pagpangluthang.
