-- ADVERTISEMENT --
ROXAS CITY – Dakup sa ginkasa nga drug buy bust operation ang duha ka tricycle driver sa Barangay Tanque, Roxas City.
Nakahunong na sa karsel ang mga drug suspek nga sanday Johnny Arcangeles kag Roland Latie, lunsay mga residente sang Barangay Tanque sining syudad matapos gin-operate sang Provincial Drug Enforcement Unit.
Narekober sang mga pulis kanday Arcangeles kag Latie ang anum ka sachet sang shabu nga ginabulubanta may street value nga P8,000, P1,100 nga marked money, duha ka cellphone, isa ka pouch kag tricycle nga gingamit sa ila transaksyon.
Nahibaluan nga yara sa listahan sang PDEU ang duha nga nagaduso sang iligal nga droga.
