Patay ang 2 ka tuig nga bata matapos ginaalegar ginasakit sang live-in partner sang iya iloy sa Cebu City.
Bilang depensa sa suspetsado, iya lamang gintampa ang likod sang bata bangud nabudlayan ini magginhawa bangud sang sip-on apang hinali lang nga nagguwa ang dugo.
Base sa impormasyon ginbilin ang suspek kag ang bata sa ginarentahan nga kwarto samtang yara sa trabaho ang iloy sang biktima.
Samtang yara sa trabaho, nakabaton sang text ang iloy sang bata halin sa iya partner nga nagapangayo sang pasaylo.
Pagpauli niya, nasapwan niya nga wala na sang kabuhi ang iya bata.
Gin-ako man sang suspek nga ang mga gasgas sang bata ang naghalin sa iya kagat bangud naugot-ugot niya ang bata.
Desidido naman ang pamilya sang biktima nga pasabton ang suspek.
Samtang ginapreparar naman sang kapulisan ang murder complaint batuk sa iya.
