ROXAS CITY –Arestado ang duha ka mga wanted person sa separado nga mga lugar sa probinsiya sang Capiz.
Una nga gindakup sang kapulisan si Raymund Bermudo 27-anyos sang Sitio Vizcaya, Barangay Lunayan, Cuartero, Capiz nga nagapangatubang sang kaso nga attempted murder.
Gin-isyu kag ginpirmahan ni Judge Kristine B. Tiangco-Vinculado, sang RTC Branch 16, Hall of Justice, Roxas City ang warrant of arrest sadtong Hunyo 16, 2020.
Nagrekomendar ang korte sang P120,000 nga pyansa para sa temporaryo nga kahilwayan ni Bermudo.
Samtang nakahunong na sa karsel sang Dumalag Municipal Police Station ang 55-anyos nga wanted person nga nagapangatubang sang kaso nga paglapas sa RA 7942.
Gin-aresto sang kapulisan si Ruther Gardose sang Barangay Poblacion, Dumalag, Capiz.
May ginrekomendar nga pyansa nga P36,000 ang korte para sa iya temporaryo nga kahilwayan.
