Dakop ang duha ka mga Filipino nga yara sa HongKong bangud sa ginapahayag pag-withdraw sang $10 billion nagikan sa isa ka bangko gamit ang mga peke nga dokumento.
Isa sa mga nadakpan amu ang 68-anyos nga senior citizen, kaupod sini ang 38-anyos nga babaye nga nagpakilala bilang isa ka abogado.
Base sa report sang Philippine consulate general sa Hong Kong, ginpresentar suno diri sang duha ang isa ka forged capability letter, isa ka guarantee letter, kag isa ka certificate of balance nagikan sa Hong Kong and Shanghai Banking Corp. agud ma-withdraw ang dako nga balor.
Magluwas sa duha ka indibidwal, gin-aresto man sang mga otoridad ang ginapahayag tatlo pa nila ka mga kaupdanan kung sa diin isa ka Malaysian, Taiwanese kag Chinese.
Mahibaluan, una na nga ginbalibaran sang mga otoridad ang bail request sang duha ka mga Filipino apang liwat nga natalana ang bail hearing sa Pebrero-27.
Pananglitan mapamatud-an nga guilty, posible nga mapreso ang mga ini sang tubtob 14 ka tuig.
Samtang, wala naman ginpaguha sang konsulada ang pagkakilanlan sang nasambit nga mga indibidwal.
