ROXAS CITY – Arestado ang duha ka mga miyembro sang gun-running group sa ginkasa nga entrapment operation sang Criminal Investigation and Detection Group (CIDG) Capiz sa Sitio Jimenez, Barangay San Miguel Ilaya, Tapaz, Capiz.
Ginkilala ang mga naaresto nga sanday Leopoldo Cabayao Latumbo sang Calinog, Iloilo kag Richard Jarana Palma sang Bingawan, Iloilo.
Narekober sa mga suspek ang isa ka unit sang caliber .45 Pistol nga may magazine kag duha ka rounds sang live ammunition, isa ka unit sang caliber .22 revolver kag apat ka rounds sang live ammunition, duha ka mga bladed weapon, isa ka hand-held radio, isa ka unit sang motorsiklo kag iba pa nga mga ebidensiya.
Pagapasakaan ang mga suspek sang kaso nga paglapas sa Republic Act 10591 ukon Comprehensive Firearms and Ammunition Regulation Act at Batas Pambansa Bilang 6.
