ROXAS CITY – Patay ang duha ka tawo samtang padayun nga ginapangita ang lima ka tuig nga bata matapos malumos sa suba sa Barangay Lawaan, Dumarao, Capiz.
Ginkilala ang nagkalamatay nga sanday Ma. Luz Gonzaga 31-anyos kag ang siyam ka tuig nga bata nga si Princess Hannah Maravilla sang Barangay Bungsuan, Dumarao samtang ginapangita pa si John Marco Maravilla.
Sa exclusive interview sang Bombo Radyo Roxas kay Kagawad Juanito Monserat sang Barangay Codingle, Dumarao, Capiz, ginpahayag sini nga nagapaligo ang tatlo sa suba sang gin-anod ang isa rason nga ginbuligan sang duha
Apang malas nga pati sila nga duha ang nadala sa mabaskod nga ilig sang tubig.
Gindala pa sa Dumarao medical center sanday Gonzaga kag Princess Hannah, apang gindeklara sila nga DOA sang doktor.
