2 patay, 1 sugatan sa away pamilya dahil sa agawan sa lupa sa Capiz

ROXAS CITY – Nauwi sa pagkakapaslang ng dalawang miyembro ang awayan sa lupa ng isang pamilya sa Barangay Burias, Mambusao, Capiz.

Sa inisyal na imbestigasyon ng pulisya, nakasalubong ng mag-amang Vicente at Ronel Agustilo ang nakaalitan nilang pinsan na si Roland Agustilo.

Nagkaroon ng komprontasyon sa pagitan ng mga ito hanggang sa binaril-patay ni Roland ang anak ng pinsan nito.

Doon na at tinadtad din ng pananaga ng pamilya ng nabaril na biktima ang bumaril dito na ikinasawi rin nito.

Sa ngayon, nasa ospital ang ama ng isa sa mga namatay habang may miyembro pa ng pamilya na pinaghahanap na tumulong rin sa pananaga.