2 patay, 18 pilason matapos magtibusok ang eroplano sa rooftop sa California

Patay ang duha ka indibidwal samtang 18 naman ang pilason, matapos magtibusok ang eroplano sa isa ka edipisyo sa Fullerton, California.

Bangud sini, nagresulta sang sunog ang amu nga insidente kag nawasak ang bodega nga may mga makina sa pangpatahi kag mga tela.

Mahibaluan nga 10 ka mga indibidwal ang ginpadangat sa ospital samtang 8 naman ang padayon pa nga ginabulong.

Sa karun, wala pa mahibaluan kung anu nga eroplano kag kung ang mga napilasan yara sa eroplano ukon sa lugar na mismo.

Sa kuha sang security camera, ginpakita ang paghugpa sang eroplano malapit sa Fullerton Municipal Airport.