2 patay sa mass shooting sa pinakadako nga Latin street festival sa Canada

Patay ang duha ka tawo kag pilason naman ang iban matapos ang natabo nga shooting incident sa tunga sang ginabanta 13,000 ka tawo sa pinakadako nga Latin street festival sa Toronto, Canada.

Kabug-osan nga anum ka tawo ang natiruhan kag at large pa ang ginabanta duha ka mga suspek matapos ang pagpangluthang sa Salsa sa St. Clair festival.

Ang duha ka mga napatay ang lunsay lalaki samtang ang apat nga pilason nga biktima ang gindala sa ospital bangud sa seryoso nga mga pilas.

Suno kay Toronto Police Service Deputy Chief Frank Barredo, posible nga nagbayluhanay sang lupok ang duha ka mga indibidwal nga naga-target sa isa kag isa.

Temporaryo anay nga ginpa-untat ang festival sa ika-duha nga adlaw samtang nagapadayon ang imbestigasyon.