2 persona pilason matapos bumunggo ang ginasakyan nga motorsiklo sa pader sang eskwelahan sa Pontevedra

PONTEVEDRA, CAPIZ – Pilason ang duha ka mga persona matapos bumunggo sa pader ang ila ginasakyan nga motorsiklo sa Barangay Tacas, Pontevedra, Capiz.

Ginkilala ang mga biktima nga sanday Mark Lawrence Reyes, 20 anyos sang Barangay Hipona, driver sang motorsiklo kag Jouan Belvis, 42 anyos sang Barangay Malag-it, sang nasambit man nga banwa.

Sandig sa inisyal nga impormasyon nga nakuha sang Bombo Radyo, samtang ginasubay sang mga biktima ang lugar, bumunggo ang ila ginasakyan nga motorsiklo sa pader sang isa ka eskwelahan.

Bangud diri, nag-angkon sang magkatuhay nga mga kasamaran sa lawas ang mga biktima nga gilayon gindala sa ospital agud madapatan sang nagakaigo nga pagbulong.