2 persona, pilason matapos gintapungol kag ginluthang sa guha sang isa ka KTV bar
ROXAS CITY – Pilason ang duha ka mga persona matapos ginluthang sa guha sang KTV Bar sa Barangay Balanti-an, Balasan, Iloilo.
Ginkilala ang mga biktima nga sanday Mario Miramis, 43 anyos kag Vicente Salvadico, 43 anyos, lunsay residente sang banwa sang Pilar.
Ginpahayag ni Police Inspector Alexander Lauro, hepe sang Carles Municipal Police Station, nagguha sa ila inisyal nga imbestigasyon nga samtang nagabantay sang ila nga masakyan ang duha ka mga biktima, ginpalapitan ini sang mga suspek nga sanday Georgie Kobayashi, 26 anyos kag Marlon Andres, 30 anyos, kag ginpasibangdan sila nga nagpasilabot sa motorsiklo nga ginpark sang mga suspetsado.
Diri na kag gintapungol ni Andres ang mga biktima kag ginpasibangdan nga mga kawatan.
Naggabot naman sang iya nga armas si Kobayashi kag ginpangluthang ang mga biktima.
Nag angkon sang pilas sa abaga si Miramis samtang sa dughan naman ang igu ni Salvadico tuga sang pagpangluthang ni Kobayashi.
Madasig nga nagpalagyo ang mga suspetsado matapos ang insidente apang gilayon man nga nadakpan sa ginpatigayon nga hot pursuit operation sang mga kapulisan sa ila gina-estaran nga apartment sa Sitio Lawis, Barangay Baybay, Roxas City.
