IVISAN, CAPIZ – Pilason ang duha ka mga persona nga sakay sang motorsiklo matapos nga naka-side swipe sang salakyan sa Barangay Poblacion Sur, Ivisan Capiz.
Ginkilala ang driver sang motorsiklo nga si Eduardo Barrera kag backrider sini nga menor de edad lunsay mga residente sang Barangay Sta. Cruz, Ivisan, Capiz.
Base sa inisyal nga imbestigasyon sang Ivisan PNP nga samtang ginasubay nanday Barrera ang dalanon sakay sa iya motorsiklo sang hinali na lamang ini nga gin-side swipe ang salakyan ni Aiza Mae Guiyab 36-anyos sang Barangay Poblacion Sur, Ivisan, Capiz.
Bangud diri, nadulaan sang kontrol sa pagmaneho si Barrera rason nga natumba ang motorsiklo kag nag-angkon sang mga kasamaran sa lawas ang duha nga gilayon naman gindapatan sang nagakaigo nga pagbulong.
