2 persona pilason sa pagbungguanay sang duha ka motorsiklo sa Brgy. Baybay

ROXAS CITY – Padayon nga ginabulong sa ospital ang duha ka mga persona matapos ini ang napilasan kasunod sang pagbungguanay sang duha ka mga motorsiklo sa Arnaldo Blvd., Barangay Baybay, Roxas City.

Ginkilala ang mga napilasan nga sanday Edison Cosca, 28 anyos kag Kristina Rose Agusan, 20 anyos sang Barangay Dinginan, sining siyudad.

Sandig sa inisyal nga impormasyon, samtang ginasubay ni Cosca ang lugar sakay sa iya ginamaneho nga motorsiklo, nadulaan ini sang kontrol sa manubela rason nga bumunggo sa kasugata nga motorsiklo nga ginamaneho ni Agusan.

Lunsay natumba ang motorsiklo sang duha rason nga ginpangdala ang mga ini sa ospital agud madapatan sang nagakaigo nga pagbulong.