-- ADVERTISEMENT --
ROXAS CITY – Nagapabilin sa isa ka ospital sa syudad sang Roxas ang duha ka lalaki matapos nga nag-angkon sang mga kasamaran tuga sang pagka-aksidente sa dalanon sang Barangay Baybay, Roxas City.
Ginkilala ang mga biktima nga sanday Vincent Aldin Ortiz kag Joven Ortiz nga lunsay mga residente sang Barangay Barra sining syudad.
Base sa inisyal nga imbestigasyon nga samtang ginasubay sang duha ka mga persona sakay sa ila motorsiklo sang hinali na lamang nga nagtabuk ang isa ka ido rason nga nadulaan ini sang kontrol sa pagmaneho.
Bangud diri nag-angkon sang mga kasamaran sa lawas ang mga biktima nga gilayon naman gindapatan sang nagakaigo nga pagbulong.
