ROXAS CITY – Pilason ang isa ka 28-anyos nga persona matapos nga ginaalegar nagbungguanay ang duha ka motorsiklo sa Barangay Agkilo, Panitan, Capiz.
Base sa inisyal nga imbestigasyon sang Panitan Municipal Police Station nga magapauli na kuntani ang biktima nga si Patrolman Jayson De Jose sang Barangay Banggaan sang amo nga banwa sang aksidente na lamang ini nga binungguan sang motorsiklo nga ginamaneho ni Arnold Duno 47-anyos sang Barangay Tabuc Norte sang amo man nga banwa.
Ginaalegar nga gin-agaw sang suspek ang linya sang dalan nga ginasubay sang biktima.
Bangud diri, natumba ang duha ka mga motorsiklo rason nga nag-angkon sang mga pilas sa lawas ang duha ka nasambit nga persona nga gilayon naman gindala sa ospital.
Ginapatihan naman nga yara sa idalom sang impluwensya sang makahulubog nga ilimnon ang nasambit nga mga persona.
