-- ADVERTISEMENT --
ROXAS CITY – Pilason ang driver kag backrider sang motorsiklo matapos nga ginaalegar na-side swipe nila ang TOYOTA Revo Wagon nga salakyan sa Barangay Banica, Roxas City.
Ginkilala ang mga napilasan nga sanday Mark John Vegas 29-anyos kaupod ang backrider nga isa ka menor de edad nga lunsay mga residente sang Barangay Libas sining siyudad.
Base sa inisyal nga imbestigasyon sang Roxas City PNP nga samtang ginasubay nanday Vegas ang nasambit nga dalanon aksidente na lamang sini na-side swipe ang salakyan nga ginamaneho ni Ronald So 46-anyos sang Barangay Banica.
Bangud sa mabaskog nga impact sang pagkabunggo nag-angkon sang pilas sa lawas ang duha nga gilayon naman gindapatan sang nagakaigo nga pagbulong.
