2 pilason sa nagluntad nga aksidente sa banwa sang Cuartero, Capiz

ROXAS CITY – Pilason ang duha ka mga estudyante matapos ang nagluntad nga aksidente sa dalanon sa Brgy. Nagba, Cuartero, Capiz.

Ginkilala ang biktima nga si Clark Estorque 20-anyos sang amo nga barangay.

Sandig sa inisyal nga imbestigasyon sang mga kapulisan sang Cuartero PNP nga samtang ginasubay sang biktima ang nasambit nga dalanon sakay sa iya nga motorsiklo sang aksidente ini nabungguan ni Leomark Salomeo, 21-anyos sang amo nga barangay.

Bangud diri, nag-angkon sang menor nga pilas sa lawas ang duha ka nasambit nga mga persona nga gilayon naman gindapatan sang nagakaigo nga pagbulong.