-- ADVERTISEMENT --
ROXAS CITY – Pilason ang duha ka mga persona matapos ang nagluntad nga aksidente sa dalanon sa Barangay Maralag, Mambusao, Capiz.
Base sa inisyal nga imbestigasyon sang Mambusao PNP nga samtang ginasubay ni Marwin Bernabe Lata ang dalanon sakay sa iya nga motorsiklo aksidente na lamang sini nabungguan ang magatabuk kuntani nga si Rolando Antic sang nasambit man nga lugar.
Bangud sa mabaskog nga impact sang pagkabunggo nalampos ang ulo ni Lata sa semento rason nga gilayon ini nalipong.
Samtang, nag-angkon naman sang pilas sa lawas si Antic.
Madasig naman nga gindala sa ospital ang mga biktima para sa nagakaigo nga pagbulong.
-- ADVERTISEMENT --
