ROXAS CITY – Nag-angkon sang pilas ang duha ka mga persona matapos nga ginaalegar nagbungguanay ang duha ka motorsiklo sa Barangay Binuntucan, Pontevedra, Capiz
Ginkilala ang duha ka mga persona nga sanday Teofilo Cañas 29-anyos residente sang Estancia, Iloilo kag Ruben Dejero 19-anyos sang Pantalan, Pres. Roxas Capiz.
Base sa inisyal nga imbestigasyon sang mga kapulisan nga hinali na lamang nga nag-overtake si Dejero kun sa diin wala sini madiparahan ang kasugata rason nga nagbalik ini sa linya sang kalsada kag aksidente sini nabungguan ang motorsiklo ni Cañas nga padulong sa banwa sang Pontevedra.
Bangud sa mabaskog nga impact sang pagkabunggo nag-angkon sang pilas sa magkatuhay nga parte sang lawas ang duha nga gilayon man gindapatan sang nagakaigo nga pagbulong.
