ROXAS CITY – Pilason ang duha ka mga persona matapos nga ginaalegar nagbungguanay ang duha ka motorsiklo sa Baranga Binuntucan, Pontevedra, Capiz.
Ginkilala ang nasambit nga mga persona nga sanday Jomar Dadivas 35-anyos, isa ka nurse kag residente sang Barangay Binuntucan kag John Paul Samsun 20-anyos sang Barangay Yatingan sang nasambit nga banwa.
Base sa inisyal nga imbestigasyon sang mga kapulisan nga samtang ginasubay ni Dadivas ang dalanon papuli sa ila lugar gikan sa Roxas Memorial Provincial Hospital kag paliko na kuntani sang aksidente nga nabungguan ini sang motorsiklo ni Samsun.
Bangud sa impact sang pagkabunggo natumba ang duha ka mga motorsiklo kag nag-angkon sang pilas ang amo nga mga persona nga gilayon naman gindala sa magkatuhay nga mga ospital agud dapatan sang nagakaigo nga pagbulong.
Padayon naman ang imbestigasyon sang mga kapulisan sa nagluntad nga aksidente.
