MAMBUSAO, CAPIZ – Nag-angkon sang menor nga kasamaran ang duha ka mga indibidwal nga nasamaran sa pagbungguanay sang duha ka mga motorsiklo sa Barangay Bergante, Mambusao, Capiz.
Ang mga nagkalapilasan amo sanday Johnny Ladoc, 32 anyos sang Barangay Burias kag Alfredo Lopez, 36 anyos sang Barangay Balit, sang nasambit man nga banwa.
Base sa impormasyon nga nakuha sang Bombo Radyo sa Mambusao Municipal Police Station, nagamaneho sang iya motorsiklo si Lopez kag magaliko na kuntani sa likuon nga karsada sa nasambit nga lugar sang aksidente ini nga nabungguan sang kasugata nga motorsiklo nga ginamaneho ni Ladoc nga ginapahayag yara sa idalom sang impluwensiya sang makahulubog nga ilimnon.
Bangud diri, lunsay nagkalatumba ang duha ka motorsiklo kag nagkalasamaran ang duha ka indibidwal nga gilayon ginpadapatan sang nagakaigo nga pagbulong.
