ROXAS CITY – Pilason ang duha ka senior citizens matapos nga ginaalegar nagbungguanay ang motorsiklo kag tricycle sa Barangay Aglimocon, Maayon, Capiz.
Base sa inisyal nga imbestigasyon sang Maayon Municipal Police Station nga gikan sa Barangay Tuburan sanday John Carlo Vergara 34-anyos kag backrider sini nga si Lolita Vergara 60-anyos nga lunsay mga residente sang Barangay Canapian sang nasambit nga banwa sa diin sakay ang mga ini sa motorsiklo sang aksidente na lamang sila nagsumalangay sang tricycle nga ginamaneho naman ni Randy Bonganay 22-anyos sang amo man nga banwa.
Bangud diri, natumba ang motorsiklo rason nga nag-angkon sang pilas sa lawas sanday John Carlo kag Lolita nga gilayon naman gindapatan sang nagakaigo nga pagbulong.
Sa karon, nagapadayon ang imbestigasyon sang mga kapulisan sa nagluntad nga aksidente.
