2 Pinoy workers patay matapos nagbunggo sa railing ang motorsiklo kag mahulog sa pil-as sa Taiwan

ROXAS CITY – Nagapangasubo karon ang mga Pinoy workers sa Taiwan, bangud duha ka mga Pinoy OFWs ang napatay, matapos maaksidente ang ginasakyan nga motorsiklo.

Sakay sa motorsiklo ang wala ginpangalanan nga mga Filipino workers nga ginabulubanta nagaedad sang 34-anyos ang lalaki kag 28-anyos ang edad sang  babae.

Lunsay nagatrabaho sa Hiwin kag Canon Corporation ang duha ka mga biktima sang nagluntad ang aksidente.

Nahibaluan nga ginasubay sang mga biktima ang dalan apang pag-abot sa 28-line  Qishan nagbunggo ang motorsiklo sa guardrail sang karsada kag nahulog sa 15 metros nga pil-as bangin.

Padayon sa karon ang imbestigasyon sang mga pulis sa nagluntad nga aksidente.