ROXAS CITY – Ginkompirmar sang pamunuan sang Municipal Disaster Risk Reduction and Management Office (MDRRMO) sang banwa sang Mambusao nga wala pa makuhaan sang sample specimen ang duha ka mga repatriated Overseas Filipino Workers (OFW’s) sa amo nga banwa para sa real-time polymerase chain reaction (RT-PCR) testing.
Ini ang ginpahayag ni MDRRM-Officer John Paul Lusabia sang mainterview sang Bombo Radyo.
Suno kay Losabia nga sa kabug-usan nga 12 ka mga repatriated OFW’s sa Capiz, ginpakamaayo nga idungan na lamang ang 2 ka OFW’s sa schedule sang testing sang sadto anay nagpositibo sa coronavirus disease (COVID-19) sa amo nga banwa nga karon ang nag-ayo na.
Mahibaluan nga pagadal-on ang specimen sa Western Visayas Medical Center para sa nasambit nga test.
Suno kay Losabia nga sa karon, ang duha ka mga OFW’s nga taga-Proper kag Barangay Manibad ang nagapabilin sa quarantine facility kag padayon sa ila nga quarantine period.
Ginpanginwala man ni Lusabia ang nagtuhaw nga report, nga nakaguwa ang nasambit nga mga indibidwal sa quarantine facility bangud suno diri, hugot sila nga ginabantayan sang mga naka-duty nga mga nurses.
