-- ADVERTISEMENT --
ROXAS CITY – Dakop ang isa ka wanted nga persona matapos ginserbihan sang warrant of arrest sa Barangay Balucuan, Dao, Capiz.
Ginkilala ang nadakpan kay Juanito Sevilla Jr., 20-anyos kag residente sang nasambit nga lugar.
Kaso nga paglapas sa RA 10883 ukon Anti-Carnapping Act of 2016 ang paga-atubangon sang nasambit nga akusado.
Ang warrant of arrest gin-isyu kag ginpapanaog ni Hon. Lorencito B. Diaz, Presiding Judge sang 6th Judicial Region, Branch 17, Roxas City kun sa diin ginrekomendar sang korter ang 200,000 nga pyansa para sa temporaryo sini nga kahilwayan.
Sa karon, nakahunong na sa karsel sang Dao Municipal Police Station si Sevilla.
-- ADVERTISEMENT --
