ROXAS CITY – Pilason ang isa ka babayi matapos nga maiguan sang botelya nagikan sa nagpinanghaboy kag nagwaras nga dalaga sa Barangay Milibili, Roxas City.
Ginkilala ang nagparekord kay Ella Mae Octavio, residente sang Sitio Pamombongan, sa amu nga barangay.
Ginkilala ang ginpahayag nagwaras kag nagpanghaboy bote kay Rochelle Arceño, yara sa legal nga pang-edaron kag residente sang Sitio Sumiga, Barangay Milibili, Roxas City.
Suno sa ginpabalhag sang tagreklamo, ginkakibot na lang sini nga gulpi nalang nag-ulan sang botelya halin sa gina-alegar nagawaras nga babayi.
Bangud sini nag-angkon sang pilas ang biktima sa iya magkatuhay nga parte sang lawas kag gilayon nga ginpadangat sa malapit nga ospital agud dapatan sang nagakaigo nga pagbulong.
Samtang, ginpakamaayo sang mga kapulisan nga ibalik sa lebel sang ila barangay ang amu nga hitabo.
