20-anyos nga lalaki arestado sa kaso nga Sexul Abuse kag Rape sa Jamindan, Capiz

ROXAS CITY – Arestado ang 20-anyos nga lalaki matapos nga ginserbehan sang Warrant of Arrest sang Jamindan Municipal Police Station sa Barangay Ma-antol, Jamindan Capiz.

Ginkilala ang arestado nga si Rey John Bispo sang nasambit nga lugar.

Kaso nga Sexual Abuse in relation to RA7610 kag rape ang ginapangatubang sang nasambit nga akusado.

Ang warrant of arrest ginpapanaog ni Judge Romel Leonor sang RTC Branch 21, Mambusao Capiz sadtong Pebrero 21, 2020.

Ginrekomendar naman sang korte ang P200,000 nga piyansa para sa temporaryo nga kahilwayan ni Bispo.

Sa karon, nakahunong na sa karsel sang Jamindan Municipal Police Station ang nasambit nga akusado.