20-anyos nga lalaki, gin-aresto sa kaso nga Frustrated Murder sa Ivisan

ROXAS CITY – Arestado ang isa ka persona matapos nga ginserbihan sang warrant of arrest sang mga kapulisan sa banwa sang Ivisan.

Ginkilala ang akusado kay Rogel Undaloc, 20-anyos kag residente sang Brgy. Agustin Navarra, sa nasambit nga banwa.

Kaso nga Frustrated Murder ang ginapangatubang ni Undaloc, kun sa diin ang warrant of arrest ang ginpirmahan kag gin-isyu ni Hon. Esperanza Poco-Deslate, presiding judge sang RTC 6^th judicial region, Br. 19, Roxas City, napetsahan Hulyo 15, 2022.

Ginrekomendar sang korte ang P200,000 nga piyansa para sa temporaryo nga kahilwayan sini.

Sa karon, yara ini nakahunong sa Ivisan MPS para sa nagakaigo nga disposisyon.