20 anyos nga mangunguma, ginpatay kag ginsulod sa sako

Patay na sang nasapwan ang 20 anyos nga mangunguma sa sulod sang sako nga ginbilin sa kilid sang dalan sa Tungawan, Zamboanga Sibugay.

Suno sa report, nakagapos ang kamot sang biktima, kag may pila ka hack wounds sa lawas.

Ginpahayag sang pamilya sang biktima sa tion sang imbestigasyon nga ila ini ginapangita halin pa sang Biyernes, matapos nga naghalin ini sa ila balay kag wala nakabalik.

Padayon ang imbestigasyon sang Zamboanga Sibugay Police Provincial Office sa insidente agud matumod ang suspetsado kag motibo sa pagpatay.