Yara na sa estable nga kondisyon ang ginabanta 20 ka mga estudyante nga nagkalalipong matapos nagluntad ang mass hysteria sa Jamindan National High School sa Jamindan, Capiz.
Base sa initial nga impormasyon nag-ugat ini sa tension sang duha ka mga estudyante sa nasambit nga buluthuan.
Ginaalegar nagsumbaganay ang duha ka mga estudyante kag ang isa sa ila ang may yara sang kutsilyo.
Sa interview sang Bombo Radyo kay Police Major Jaypee Silvestre, Officer-in-Charge sang Jamindan Municipal Police Station, iya ginpahayag nga nakapauli na ang mga estudyante nga nagkalalipong sa ila tagsa ka mga puluy-an kag yara na sa maayo nga kahimtangan.
Suno kay Silvestre, nagbalik na sa normal ang klase sa buluthuan subong nga adlaw.
Nagpanawagan man ang natungdan sa mga ginikanan nga tutukan kag giyaan sang nagakaigo nga pag-atipan ang ila mga kabataan agud malikawan ang kaangay nga insidente
