Padayon ang search-and-rescue operations sang mga otoridad para sa ginabanta 20 ka mga tawo nga ginapatihan na-trap sa idalom sang narumpag nga building sa Angeles City.
Suno kay Angeles City public information officer Jay Pelayo, iya ginpahayag nga indi mag-untat ang rescue operations bangud may mga senyales sang kabuhi nga nabaton gikan sa mga posible survivors sa idalom sang rubble.
Dugang pa sini nga ang nagkalain-lain nga local government units ang nagabulig man sa rescue efforts.
Suno sa mga otoridad, kalabanan sa mga nadula ang mga construction workers kag kapin sa 20 ka mga tawo naman ang naluwas gikan sa insidente.
Sa subong, isa pa lang ang kumpirmado nga napatay nga ginapatihan isa ka Malaysian tourist nga nagatinir sa apartelle sa tupad sang narumpag nga building.
Gin-athag man ni Pelayo nga 20 lang ang missing subong kag indi 23 kaangay sang una nga ginreport.
