Indi magnubo sa 20 ka mga tawo ang napatay matapos ang paglupok sang methane gas nga gintunaan sang pagkarumpag sang isa ka tunnel sa isa ka hydroelectric project sa estado sang Sikkim, India.
Suno sa Sikkim State Disaster Management Authority, 25 ka mga trabahador ang na-trap sa sulod sang tanel. Sa nasambit nga numero, 13 na ang nakuha nga bangkay samtang may yara pa sang pila ka mga bangkay nga wala pa narekober.
Nabudlayan ang mga otoridad sa rescue and retrieval operations bangud sa natipon nga tubig sa tunnel, leakage sang methane gas, kag padayon nga pagbubo sang mabaskog nga ulan sa lugar.
Suno sa mga opisyal, indi posible nga may buhi sa mga na-trap base sa kondisyon sa sulod sang tanel.
Samtang, nagpasalig naman ang National Hydroelectric Power Corporation nga magapatigayon sang maid-id nga imbestigasyon agud mahibaluan ang matuod nga gintunaan sang insidente.
