ROXAS CITY – Wala gina-intrahan sang munisipyo kag indi kinahanglan nga atibiran ang 20% nga development fund sang barangay.
Ini ang nangin pahayag ni suspended Mayor Receliste Escolin sang President Roxas, sang mainterview sang Bombo Radyo, kun sa diin ginklaro sini ang mga ginpanghaboy nga tinaga ni Acting Mayor Braulio Godfrey ‘Botoy’ Asis angut sa development fund sang munisipyo kag iya sang Barangay.
Suno kay Escolin, wala nakahibalo si Asis sang iya mga ginapanghambal basta lang nga makasabat sa mga pamangkot kag wala ginapaminsar sang instakto.
Ginatumod sang suspended mayor ang angut sa pahayag ni Asis nga mahimo suno diri mag-implementar ang alkalde sa 20% development fund sang barangay, rason nga isa ini ka sala nga buluhaton.
Mahibaluan nga ang kada-barangay may yara sang 20% development fund kun sa diin indi ini pwede pag-intrahan sang mayor kundi kapitan lamang ang naga-implementar magluwas na lamang suno diri sa 20% development fund sang munisipyo nga ang alkalde by admin mismo ang naga-implementar agud itan-ay sa kada barangay nga makaganar sini.
Bangud sini, ginklaro ni Escolin nga sala ang pagpati kag pagpamalakad ni Asis angut sa development fund sang barangay bangud santo sa layi kung anu ang kinahanglan nga dapat para barangay indi ini pag-intrahan sang alkalde.
Makahuluya lamang suno sa iya pananglitan nga mabatian ini sang kaangay niya nga alkalde bangud bilang amay sang banwa dapat nahibaluan sini kung anu ang intsakto kag indi ilabi na sa layi nga ginapatuman sa banwa.
