ROXAS CITY – Pilason ang halos 20 ka mga indibidwal sa pag-collapse sang isa ka landmark bridge sa Yilan county, Taiwan.
Base sa report nga nag-agi ang isa ka oil tank truck sang natiphag ang Nanfang’ao Bridge sa Su’ao Township sa nasambit nga lugar.
Tatlo ka mga sakayan ang natambakan sang natiphag nga tulay nga nagresulta sa pagka-trap kag pag-angkon sang pilas sang pila ka mga foreign migrant fihsermen.
Suno sa Yilan County Fire Bureau, napulo ka mga indibidwal ang gindala sa ospital kalakip ang anom nga nag-angkon sang seryoso nga mga kasamaran.
Anom pa ka wala makilala nga mga foreign fishermen ang ginapatihan na-trap sa natiphag nga tulay kag padayon pa sa karon ang search and rescue operation sa lugar.
Padayon naman nga ginabulong sa Lotung Pohai Hospital kag Taipei Veterans General Hospital ang mga biktima.
Suno naman sa Ministry of Interior’s National Fire Agency, kalakip sa napulo nga gindala sa ospital ang anom ka mga Pinoy, tatlo ka Indonesians, kag ang truck driver nga isa ka Taiwanese.
