Nagsaka sa 6.8 percent ukon P79.47 billion ang gross domestic product sang probinsya sang Capiz sa tuig 2023 ikumparar sa tuig 2022 kun sa diin may yara lamang sang P74.38 billion gross domestic product ang probinsya.
Sa ginhiwat nga 2023 Economic Performance Capiz Provincial Product Accounts Dissemination Forum, ginpahayag ni Ms. Rosiebelle A. Beluso, Senior Statistical Specialist Officer-in-Charge sang Philippine Statistics Authority-Capiz Provincial Statistical Office, nga ang major contributor sa pagsaka sang Gross Domestic Product ukon income sa probinsya, pag-abot sa industriya amo ang sektor sang services nga kun sa diin may yara ini sang 5.7 percentage points.
Mahibaluan nga ang Top Three Industries nga may yara sang mataas nga percent shares amo ang Agriculture, Forestry kag Fishing nga may yara sang 27.4%, ginsudan ini sang Wholesale and Retail Trade; Repair of Motor Vehicles and Motorcycles 20.3% kag Financial and Insurance Activities nga may yara sang 7.3%.
Samtang, yari naman ang percent share sang Major Industries, sa Service Sector nga may 59.3 %, Agriculture Forestry and Fishing—27.4 percent kag sa Industry nga may yara sang 13.3%.
Ginakalipay naman nga ginpakigbahinan sang mga katapo sang PSA-Capiz ang amo nga data nga napagkit sang probinsya sang Capiz kag ginpasalamatan man sang mga ini ang mga data contributors nga nagikan sa nanari-sari nga ahensya sa probinsya.
