Apprubado na sa 3rd and final reading ang ginaproponer nga House Bill No. 4058 ukon ang 2026 General Appropriations Bill (GAB), sa 287 affirmative votes, 12 ang negative kag duha ang nag-abstain.
Base sa plenary records, ang duha nga nag-abstain amo sanday Rep. Harold James Duterte kag Rep. Kiko Barzaga.
Suno kay House Committee on Appropriations Chairman Rep Mikaela Suansing nga ang 2026 general appropriations bill nagasabat sa mga kinahanglanon sang mga pumuluyo nga ipabugal sang 20th Congress.
Ginhatagan pagtamod ni Suansing nga ang P255 bilyones nga pondo gikan sa mga flood control projects nga gin-reallocate sa tatlo ka importante nga sektor nga gintumod ni Presidente Ferdinand Marcos Jr. Ini amo ang sa edukasyon, ikaayong lawas kag agrikultura.
Ginpasalig naman ni Suansing nga wala sang flood control projects, taytay kag iban pa nga kuhaon sa unprogrammed appropriations.
Samtang, ang pondo sang UA wala nalakip sa P6.973 trillion, wala sang pondo para sa unprogrammed appropriations sa 2026 budget.
Ginpanindugan ni Suansing nga siguraduhon niya nga indi pag-abusuhon sang kongreso ang unprogrammed appropriations sa tuig 2026 kag sa masunod pa nga mga tinuig.
