Opisyal nga ginbuksan sa Japan ang 20th Asian Games matapos ang 32 ka tuig, nga ginhiwat ang opening ceremony sa Nagoya, Aichi Prefecture, kag gintambungan sang mga atleta halin sa nagkalain-lain nga pungsod sa Asya.
Suno kay Bombo Hannah Galvez, international correspondent sa Japan, sa opening event, nagpasundayag ang mga local artist kag performers bilang pagpakita sang kultura kag tradisyon sang Japan, nga gintambungan man sang mga tawo halin sa nagkalain-lain nga bahin sang Asya.
Pahayag pa sini, nakaeksperyensya ang pila ka mga delegado sang problema may kaangtanan sa accommodation, apang ginhimo man sang organizers ang mga tikang agud masolusyunan ini kag masiguro ang kaayuhan sang mga atleta kag officials.
Dugang pasang natungdan, padayon man ang suporta sang mga Pilipino nga yara sa Japan sa tanan nga Filipino athletes nga naga-intra sa pinakadaku nga sporting event sa Asya, kag nagalaum sila nga mangin madinalag-on ang kampanya sang 447 ka miyembro sang Team Philippines.
